بعشقك
بعشقك في صمتي
بعشقك في كلامي
بعشقك صاحي وبعشقك في منامي واحلامي ….
بعشقك يابلادى
وعشقك
هو قوتي وزادي و زوادي ….
بعشقك
وعشقك يامصر حياتي …
بعشقك
وان كان في عشقك موتى اموت وانا راضي ….
بعشقك
بعشق رملك وسماكي
وعلي نيلك بعشق سماع حكاياتك ومواويلك …..
بعشقك
قويه وعافية و بنت جميلة في سحرها وجمالها مستحية
بعشقك نصرة وعزة وعلي الكل فاردة جناحك ومدارية …..
تطمني دة وتدي دة وفي عطاءك للجميع سخية ….
بعشقك
واقفة وصامدة وأبية ورغم الجراح تقولي مفيش حاجة و رغم الخيانة والغدر عافية ….
بعشقك
ام تشيل الكل وتسندي وعمرك ماقولتي فيا وفيا ….
بعشقك
ياست الكل دايما مسنودة بولادك خير اجناد الارض وتقولي انا ام الدنيا ولا حد يقدر عليا
ااااااه يامصر بعشقك
