اوقات كتير بخاف ….بس بصراحه مش عارفه بكون خايفه من ايه ؟ هل من المستقبل الغامض ولا من النهاردة اللي كل اللي فيه معافرة وتحدي وصعوبات …واضحك واقول لنفسي انتي قويه يا نولا ….عادي اكيد احنا احسن من غيرنا واني امتلك حاجات كتير اووووووي مش موجودة غير جوه قلبي ….قلبي انا بس …والنتيجة اني اطمن بس شوية احباط واكتئاب ونظرة للحياة لا يوجد بها امل ولا حتي عمر …..وارجع اقول لنفسي ….ما هي دي الحياة …شوية وجع وحزن ….شوية ضحك ولعب …شوية معافرة مع الزمن وسنينه اللي بتجري جري ….مش حتي قادرة اقف اراجع نفسي في اللي فات واللي جاي ….نعمل ايه نجري بنفس السرعه علشان الحق احقق طموحاتي واحلامي …اللي ولا حلم منهم كان اصلا من احلامي …واضحك واقول لنفسي .. يا نولا انتي اصلا كان نفسك تبقي دكتورة ولكن القدر له كلام تاااااني ….وهو اكيد شايف اللي انا مش شايفاه ….وارجع الف وازعل واعافر من تاني تعبت من المعافرة واقول لنفسي امتي تيجي ايام الراحه والتفكير برفاهية أو عدم التفكير اساسا …لكن اكتشف من جديد نفسي وان سعادتي في التعب والمعافرة …وأن السعادة اشكال والوان ودرجات …وكل واحد ليه طريقه وطريقته اللي بيهم بيحس بسعادة ناس سعادتها في الفلوس …وناس سعادتها في الأكل وكل ما لذ وطاب وناس بقي زي حالاتي سعادتها لما تتعب وتلاقي في نهاية التعب شغل حلو او عمل خير لان. هنا تكمن قمه السعادة ..عمل الخير والسعي لفك الكرب ….اعلي درجات السعادة لأنها بينك وبين ربنا …ربنا الكون كله …هو انا حاولت افضل معاكوا عن حاجة في عقلي واتكلمت كاني اجلس بينكم في قاعدة حلوة بتشرب فيها قهوة سوا …وده برضه كلام في الحب ….كلام من القلب للقلب
