كلة بقى روباببكيا
الأخلاق مش أخلاق ومابقاش لها قيمة،
والشهامة بقت موضة خلاص و قديمة ،،
وحب الخير بقا اعلانات وتصوير ومنظرة،،
والصداقة بقت منفعه ومصلحة
روبابيكيا ….
والقلب خلاص فقد الشعور والإحساس وبقينا نردد ونقول ألفاظ مالهاش معني ودخيلة علينا ومش عارفين منين بتجينا ،،
روبابكيا ….
والحب بقا خيانه وغدر وقهوة من غير تلئيمة ،،
والابن يبيع أمه و أبوة عشان مراته عاملة فيها ست قال ايه عظيمه ودي كان آخرها تحلم أنه يجي للجواز يطلبها ويعمل لها وسط أصحابها واهلها قيمة،،
روبابكيا……
الهدوم غالية و ماركات ولابسها ناس
آخرها مداس وف سوق البشر رخيصة ماتسواش,,
اصلها روبابكيا ……
وياما بيوت مالهاش صوت لكن جواها ناس عايشه حياة شبه الموت,,
وبنت في دار مسنين ترمي أمها وتمضي علي بعدها وتقول علي خدمتها انا مش أدها والموت سترة ليها واحسنلها ،،
روبابكيا….
واخ قاطع إخوة عشان متر ارض
واب خلاص مش فارق معاه رعاية البنت وحماية العرض،،
روبابكيا…
خد ياعم يا بتاع الروبابيكيا كل جديد علينا ورجعلنا حياتنا وعادتنا اللي اتربينا عليها
رجعلنا حياتنا القديمة
مش حياة …روبابيكيا
