جريدة الاخبارية سياسية::شاملة::مستقلة
مقالات مشابهة
1) غالبًا مافيش راجل بيكره زوجته عشان شكلها أو جسمها، الكره بييجي من طباع مش قادر يتعود عليها.
2) أي راجل بيتعود على شكل زوجته، لكن مايقدرش يتعود على حقدها، صوتها العالي، نديتها معاه وطعنها في رجولته من حين لآخر.
3) آخر اليوم، وعند النوم اللي بيفضل معلق في ذهن الزوجين هي اخفاقاتهم السلوكية تجاه بعض، مش الشكل خالص.
4) غالبًا جمال الشكل مستحيل يدوم، الزمن كفيل يغيره، اللي بيبقى للزوجين بشاشة الوجه، حسن العِشرة والتقدير.
5)الأشياء دي اللي بتنور وجه الزوجة، وبتخليها ملكة جمال العالم بالطبع واللين.
6) وعلى النقيض، مافيش زوجة هاتحب زوجها عشان شكله أو فلوسه، ممكن يكون لايملك أي شيء لكنه هادي الطباع، متحمل المسؤولية، سهل العِشرة، هين لين جوة بيته.
7) ملايين الأزواج حول العالم عايشين فقط عشان وجود الحاجات دي في شخصية كلاهما.
شوف حواليك، هاتلاقي زوجين مافيش بينهم أي تشابه من ناحية الشكل والمنصب والتعليم، بل فجوات غير طبيعية، لكنهما في قمة السعادة؛ عشان حاجتين: حب خالص وحسن العِشرة والتقدير.
9) يُستثنى مما سبق؛ الراجل أبو عين زايغة وفارغة ومريض القلب، والزوجة اللي مايملاش عنيها أي حاجة.
10) الحياة الحقيقية بين أي زوجين مش درب من دروب الخيال، ولا تحتاج لأي شيء سوى : الرحمة – التقدير – المسؤولية؛ عدا ذلك يمكن علاجه.
