- لو عايز ترتاح ف حياتك ،
اللي ميوحشوش غيابك ميلزمكش حضورُه ،
واللي ميقدرش وجودك إمشي من غير متشورُه ،
الحاجة للناس ضعف وهوان ،
والغدر طبع ف بني الإنسان ،
إذا قربت مالناس اووي هيبعدوك ، واذا عززت نفسك عليهم هيحبوك ،
إذا قدمتلهم السبت متنتظرش الحد ، وهتفضل كويس طول مانت مش محتاج لحد ،
وعلى قد الفعل يكون الرد ،
اللي يحترمك شيله عالراس واللي يطنشك متسألش فيه م الأساس ،
اللي يخرج من حياتك إقفل الباب وراه ،
واللي يهددك بالرحيل إرحل قبله ومتجادلش معاه ،
حاول تعيش مبسوط ،
متذلش نفسك لحد متبقاش هلفوت ،
كرامتك خليها نمبر وان ،
وإبعد دايمآ عن الوّش والزَّن ،
ومتخفش ابدآ من ذي جبروت ، عشان لحظة ما مكتوبلك تموت هتموت ،
وحاول دايمآ تعيش في سلام ، وإنسي الماضي وبص لقدام ، وطول مانت متوكل على الله كله هيبقا تمام التمام
