الدكتور مصطفى مدبولي قال والله احنا مش عارفين بكره هيحصل ايه في العالم
والله سيادتك المفروض ان عندك خطه طوارئ لاي احداث اقتصاديه وازمات تضرب العالم كله مثلما الحال دلوقتي
ايوه
احنا اعلنا خطه من شهور بتوفير احتياجات السوق المحلي من السلع الاساسيه لمده سته اشهر قادمه وايضا من الطاقه لكن مايشهده العالم من سياسات ترامبيه تؤدي الي ارتفاع التضخم مما يؤثر بالسلب علي المؤشرات الاقتصادية
انا
لو استمرت الحرب التجاريه العالميه حاليا ستخدم مستقبلا دول العالم الثالث ومنها مصر
كيف
لان مايحدث له تداعيات عديده فالتضخم الركودي الذي يضرب العالم حاليا معناه ان فيه انتاج سلعي ضخم لايجد من يصرفه بسبب ارتفاع اسعاره والشركات والمصانع مهدده بالاغلاق إذا لم تتوقف هذه الحرب وهو مايسمي بالكساد في مراحله الأولى
ايه اللي هيحصل
كل اسعار السلع سواء تامه الصنع او الوسيطه ومستلزمات الانتاج هترخص وهذه هي لعبه الصين لضرب اقتصاد امريكا واوروبا معا طبعا الاستفاده ستعود علي الدول المستورده التي ستفتح ابوابها امام المنتجات الصينيه من الابره للصاروخ وفي هذا مصلحه لجمهور المستهلكين
انت عارف يادكتور ان فيه حاجه اسمها خطه تعقيم الاقتصاد
تعتمد في الأساس علي الانتاج الصناعي والزراعي
فلو اغلقنا حنفيه البذخ في مشروعات لاجدوي منها سوي الفشخره واغلقنا حنفيه الفساد والعمولات والصب في المصلحه واخرها تقرير الشركه الالمانيه التي تحذر من تشابك المصالح لشركات مصريه بعينها يقودها مهرب بلطجي للعمل في اعمار غزه من اجل تحقيق ارباح سهله بما يسئ لسمعه مصر امام العالم يعني بعيدا عن اغاثه المنكوبين والأهداف النبيله دي قضيه فلسطينيه وتعاطف مع اهالينا في غزه
تقصد
ابراهيم العرجاني
اه ووهبه صافي وعاصم الجزار ومحمد شيمي والحزب الارستقراطي العفن الجديد
طيب كمل كلامك وبلاش تغلط اكثر من كده لانك داخل في الخطوط الحمراء لا انا ولا انت نقدر عليها
حاضر
هنا يادكتور ظروف العمله الوطنية الجنيه هتتحسن امام الدولار وتوقف الاقتراض والاموال الساخنه ويبقي عندك اقتصاد وتقدر تستغل ظروف العالم الحاليه لصالحك مستلزمات انتاج وسلع وادويه رخيصه الثمن يبقي عندك مصانع تشغل عماله تزود معدلات النمو تقضي علي التضخم بجد
والله يادكتور مصطفى مصر غنيه جدا سيبك من كلام الجنرالات وسيادتك شوفت اخرها وكل رؤساء ومؤسسات دول العالم عارفين ان مصر تمتلك موارد ضخمه تمكنها للوصول الي مصاف الكبار
استعن بخبراء اقتصاد بجد دون تداخل مصالح وتشابكها يضعوا لك خطه لاستغلال قنبله ترامب النوويه لصالح الشعب
اهو اسعار النفط انخفصت وهتنخفض كمان
يبقي عندك مخزون وقت الازمات وشجع الاستثمار بجد يادكتور مش كلام فض مجالس للاعلام و الصحافه
والله يادكتور مصر تقدر تقوم وتخرج من هذا النفق لكن انتم اللي رافضين
وكفايه الحديث عن أجندات خارجيه لانها شماعات واكاذيب اعتادنا عليها من زمان
