سؤال وجيه من سيدة وطنية محترمة على الخاص محتاجة افهم من حضرتك حاجه هو ليه ورقة انتخاب القائمة لست او سبع احزاب ورقة واحدة او قائمة واحدة ليه مفيش مثلا سبع او ست قوائم لست او سبع احزاب نختار منهم القائمة اللى احنا عايزنها
سؤال غاية فى الاهمية وكلنا محتاجين نفهم زى حضرتك بالضبط لكن على كلا اقتراحك بتعدد القوائم لكل حزب قائمة منفردة يحدث بالفعل فى الدول الكبرى المتقدمة ديمقراطيا وهذا هو الاصل والاساس فى النظام الديمقراطى الحقيقى
اما عندنا كدولة نامية ديمقراطيا ومش عارفين نعبر الطريق الديمقراطى منذ 60 عام حتى الان لنصل لمرحلة الدول المتقدمة ديمقراطيا بسبب ضعف الاحزاب وكثرتها والاغراض الشخصية المختلفه
الاحزاب تختلف بعضها عن بعض فى ثلاث او اربع اتجاهات اما احزاب اشتراكية او راس مالية او احزب معتدلة يطلق عليها احزاب الوسط او احزاب دينية او علمانية او ليبرالية دة المعروف اذن يجب ان يكون عدد الاحزاب فى اى دولة مش مصر فقط خمسه او سته احزاب على الاكثر ولكننا فى اختراع مصرى وابتكار ماركة مسجله بقدره قادر عندنا حوالى 104 حزب برامجهم واحدة فى المضمون وتختلف فى النصوص والجمل والحوارات
فى مصر ايضا اخترعنا وابتكرنا ماركة مسجلة انتخابية اسمها تحالف الاحزاب فى ائتلاف واحد وقائمة واحدة للدخول فى الانتخابات قد يكون ذلك لضمان تمثيل اكبر عدد فى البرلمان او الشيوخ وقد يكون ذلك لسد عجز وقدرة الاحزاب على الدخول بقائمة منفردة مع اعتقادى بان حزب مستقبل وطن وحماة الوطن قادرين على ارض الواقع بدخول كلا منهم بقائمة منفردة وقد تكون القائمة المتحدة بغرض اهى انتخابات والسلام
هذا النظام يجبر الناخب المصرى على انتخاب احزاب لا يعترف بها ولا يميل اليها فمثلا الاشتراكى يضطر لانتخاب الراس مالى والعكس مجبرا اخاك لا بطل مع انى اعتقد واجزم ان النسبة الكبيرة جدا من المصريين لا يعلمون معنى احزاب او برامج او افكار وبينتخب بنظام ابن بلدنا وقريبنا وخادمنا فقط وواحد شخص واحد يتحكم فى اختيار النواب وكذلك الاموال
الائتلاف الحزبى فى البلاد المتقدمة يحدث تحت قبة البرلمان حينما لا يحصل اى حزب على اغلبية فيضطروا لائتلاف حزبين او اكثر لتشكيل اغلبية تمكنهم من تشكيل الحكومة تكون ائتلافية ايضا هذا هو المتبع فى العالم
اما عندنا فالاحزاب والانتخابات وتشكيل الحكومه سمك لبن تمر هندى فمش هتفرق معانا ائتلاف حزبى او كل حزب بقائمة منفردة اهى انتخابات والسلام خلينا نخلص وكده كدة كما قال سعد زغلول مفيش فائدة فلا واحده نافعة ولا متعددة شافعه
مش كده ولا ايه
