بدون زعل وبلا انفعالات بهوات التحليل العسكرى والاقتصادى والرياضى والاجتماعى يعنى المحلل الكشكول العارف ببواطن الامور وجهبذ من جهابذه الرى والمشورة وكانه فارس بنى خيبان على راى سمير غانم طالع يحلل ونازل يحلل وكانه منشار تحليل طالع واكل نازل واكل فى جميع المجالات وكل الاحداث عارف جاهل لا يعى ولا بيفهم المهم يحلل ويكتب وينتظر الليكات والاعجابات والتعليقات التى يكون اكثرها ايضا جهل فى جهل
السادة كشاكيل التحليلات ماسكين حرب امريكا ايران الان وهات ياتحليل وتفسير وتبرير حط هنا وشالوا من هنا وراحوا هناك وحضروا هنا وهم اجهل ما يكونون فى معلوماتهم وافكارهم المهم يقولون نحن هنا
امريكا تضرب ايران وايران تضرب دول الخليج ولا ترد على الامريكان واسرائيل منهمكة فى ضرب غزة ولبنان كل ضرب فى اتجاة مختلف حد فاهم اى حاجة طيب حد عارف حاجة طيب حد يقدر يحدد الموقف ليه وفين وامتى ومن سينتصر طيب حد من كشاكيل التحليلات عارف لماذا تعود المعارك بهذه الصورة تحديدا بعد توقيع الاتفاقات ولماذا لا ترد ايران على امريكا وتضرب دول الخليج طيب ياخبراء التحليلات مين هيرد ولا هيفكر يرد على اسرائيل وموقعها ايه فى هذه الحرب
ياريت على راى المثل بهوات او كشاكيل التحليلات ينقطونا بسكوتهم ويخرسوا خالص ويدوا العيش لخبازه فهناك الخبراء العسكريين المتخصصين ده شغلهم واقوالهم محفوظة ومغلفه بالحجج والبراهين مش سبهللة كلام فى كلام والسلام
خليكوا فى الكورة او فى الحوادث البشرية او قطاع الطرق حاجه على مقاسكم كده ومتدخلوش فيما لا تعنوه ولا تعرفوه ومش كل التحليلات تدخلوا نفسكم فيها هى مش ناقصة بزرميط ولعب عيال كفايه اللى احنا فيه
مش كده ولا ايه
