جريدة الاخبارية سياسية::شاملة::مستقلة
مقالات مشابهة
جعان الحب بيدوّر على إنسان يحبه… لكن جعان الاهتمام بيدوّر على ناس تفضل تهتم بيه ولو مخدش الاهتمام ده بيدور عليه من مصدر تاني علطول المهم يرضي نفسه وغروره !
جعان الحب عايز علاقة كاملة فيها حب واحتواء وأمان واستقرار ومسؤولية ومجهود متبادل. عايز يدي وياخد، ويشارك ويبني.
إنما جعان الاهتمام عايز جرعات إعجاب مستمرة… نظرات انبهار، كلمة غزل، رسالة من حد جديد، إحساس إنه مرغوب ومطلوب، وإن عيون الناس كلها عليه من اي مصدر ومش فارق معاه فبتلاقيه يخون ومتعدد العلاقات مش فارق ياخد الاحساس ده منين والأخطر إنه مبيشبعش. مهما اديته اهتمام، بعد فترة بيتعود عليه ويفقد بريقه، ويبدأ يدور على مصدر جديد يديه جرعة الإثارة والإعجاب ويحرك شغفه من جديد .
وديه علامات جعان الاهتمام
تلاقيه حريص جدًا على شكله، وعلى لفت الأنظار، وعلى إنه يكون محور الاهتمام في أي مكان. بيتغذى على نظرات الإعجاب، وبيفرح بكلمة غزل حتى لو جاية من شخص غريب، وممكن يفتح أبواب وعلاقات من ورا شريك حياته لمجرد إنه يسمع كلمة ترضي غروره وبيعامل شريكه احلي معامله في نفس الوقت ويخونه من وراه.
ولو واجهته بالخيانة، تلاقي شنطة المبررات جاهزة شيلهاله الشيطان ومستنيه بيها : «أنت مكنتش مهتم بيا.. أنا كنت محتاج حد يسمعني.. كنت مضغوط.. كنت محتاج أحس إني مرغوب .. مفيش بنا اي تفاهم..ميولك غير ميولي .. !»
لكن الحقيقة إن الحرمان من الاهتمام مش مبرر للخيانة، والاحتياج العاطفي مش رخصة للتلاعب بمشاعر الناس.
وخد بالك جعان الحب الحقيقي ممكن يقع في علاقة غلط، وممكن يتعلق بإنسان مش مناسب، لكنه بيكون عايز الحب من الشخص اللي اختاره، مش من كل الناس اللي حواليه يعني لو راجل متجوز ووحده غزالته هيقرف منها ويشوفها بشكل وحش والعكس لو ست متجوزه وواحد غازلها هيلاقي البلوك في وشه علطول دول جعانين الحب مع شخص واحد بس .
جعان الحب بيحتاج اهتمامك علشان يقرب منك ويشاركك حياته، اما جعان الاهتمام عاوز اهتمامك علطول علشان يشحن غروره، وبعد ما يتشحن يسيبك ويدور على شاحن جديد! مش بيحبك بيحب اللي بياخده منك بس افهم باءه
الأول ممكن يبني معاك عمر وعلاقه مستقره جدا … والتاني ممكن يستهلك عمرك كله وأنت بتحاول تثبتله إنك كفاية!
ابعدوا عن جعانين الاهتمام لانهم هيتغذوا علي طاقتكم وهيستنزفوكم وعمرهم ما هيشبعوا…. هيعيشوا عمرهم كله بيدورا علي الشغف الجديد والاهتمام الجديد من اي مصدر تاني غيركم بعد ما يخلصوا عليكوا تماما للاسف اول ما يشبعوا منكم هيرموكوا في الزباله لانه ديما هيحاولوا يملوا فراغ عاطفي ما ….ناتج عن فراغ نفسي ما ….عمرهم ما هيملوع ولا هيشبعوا ابدا .
وصلت كده
