الإخبارية – رضا ابوجبل
نفسي ومن غير زعل في مجالنا ده كل واحد سواء مدرب سواء لاعب سواء محلل سواء معلق سواء مسؤول سواء وكيل او سمسار او الصنف اللي مش عارف اسميه ايه بالظبط طبعآ كلنا جوا المطبخ الكبير وعرفين ان مجال الاستثمار بقي ظاهره بل واقع محسوس وملموس ومتشاف للناس كلها يعني مفيش حاجه من وراء الحائط او من ورا الناس كل حاجه علي ارض واقع وده هنتكلم فيه لان زي ما الدنيا فيها خير وشر وفيها الكويس والوحش وفيها الكذاب والصادق وفيها المنافق والغشاش وفيها اللي بيبيع الوهم للناس وبيلعب بعقول وبقلوب وبأحلام الشباب وكل ده ولسه الدنيا فيها خير كتيررررر اما الملف الاخطر والظاهره الغربيه وهي انتشار مدارس الكوره والاكاديميات الفتره الاخيره في كل مركز وكل مدينه وكل حاره والمسميات الغريبه اللي بنسمع عنها وانا مكنتش حابب اني اتكلم في ملفات حساسه وهتزعل مني ناس كتير بس اللي هيزعل من الصح بيقي ميعرفش الصح من الاساس وهو ده الغلط بعينه لما كل واحد بقول انا احسن اكاديميه انا احسن مدرسه كوره وكل مواقع التواصل شغاله ما شاء الله علي التنافس اللي بدون جدوي او بدون فايده او بدون هدف او بدون خطه مستقبليه للاولاد سواء براعم او ناشئين الاخطر ان كل واحد في بلده تلقيه عامل عمليه غسيل مخ للاعب واولياء الامور ومفهمهم ان انا عنتر هذا الزمان وانا اللي هكون عند حسن ظن الجميع وهعملكم اللي محدش عملوا وكلام مكرر ومفيش جديد وهي هي نفس الاسطوانه اللي كلنا عارفنها وحفظنها بس تعالي لكل المحافظات ودي عن تجارب وزيارات لكل اللي بحبهم من مطروح حتي الصعيد زي ما في ناس بتهجس كتير وبتبع الوهم للاولاد واولياء الامور في ناس مجتهده ومحترمه وعامله حاله كويسه في مكان اقامتها بس الاغرب ان في ناس بتحب تطبل لناس وبتكون بيانه جدآ جدآ وده مش من فراغ لسه التقيل جاي واحد يطلع يقول انا احسن اكاديميه في مصر انا عملت وعملت ومفيش زينا احنا مسمعين احنا عملنا اللي محدش عمله هي مصر دي صغيره ولا غرفتين وصاله لو كل واحد قبل ما ينزل بوست يعرف هو هدفه ايه من البوست وحابب يوصل ايه او رساله لحد معين احنا بقينا في حرب الكلام والفلسفه علي بعض والمنظره والتعالي والفشخره الكدابه مفيش انسان معصوم من الخطاء وكلنا نعلم هذا الكلام بس لابد من وقفه ولو للحظات للتصحيح الاخطاء وتصحيح المسار وكلنا نعلم في هذا المجال ان المدرب في الدوري الممتاز سمسار والمسؤولين نفس الكلام وفي ناس من وراء الكواليس سماسره وكله ماشي بس بالنسبه للجانب الاستثماري مش كل الناس وحشين في الحلوه وفيه الوحش بس في ناس كل هدفها الاول والاخير تجميع اكبر قدر ممكن من الماده او الفلوس وميشغلش باله باي حاجه تانيه هو عايز بس يتشهر واسمه يتردد وينقل حياته نقله تانيه خالص بعد ما كان يبقي كان يا مكان واخدين بالكم معايا ياررررريت كل واحد يكون عنده هدف او خطه مستقبليه وياريت كل واحد يطور من نفسه مش بالكلام لا بالعلم والاطلاع المستمر لينقل هذا العلم والاحترام والحب لاولاده وللاجيال القادمه ومحدش يركز مع حد خليك مع نفسك ركز في عملك وتخصص عشان تنجح وحبوا الخير لبعض لان اللي بيحب الخير لحد بيجي الخير لحد عنده وياريت ودي اخر حاجه لان بسبب اللي بيحصل ده كله بيقولوا علينا ده بقي مجال العوالم بس انا بقول لا هي بقت شغلانه اللي معندوش شغلانه والله المستعان اسف للاطاله علي كل احبائي واصدقائي تحياتي للجميع بالتوفيق والنجاح ان شاء الله
