فيها ايه
فيها كلمه حلوه وصفت
كل لحظه نعيشها فيها
فيها نسمة هاديه سرحت
الامانى الغاليه ليها
فيها ضحكه رايقه صحت
فى الوشوش اللى ماليها
فيها ايه
فيكى انتى يا بلدى ترخص
روحنا ونضحى بهواها
والكلام لو يوم نقوله ليكى
يبقى قليل غناها
مهما شيلنا كفوفنا جوه
قلوبنا بتكونى هداها
يا حبيبتى يا مصر انتى
بدء حياتى لمنتهاها
فيها ايه
فيها كل ضمير بيصحى
لما عينيكى تقول ولادى
فيها وقت الشده قوه
لما يوم بحقوق تنادى
فيها دعوة فجر صابره
زى طير بصوته شادى
فيها ايه
