(

(( حمارة العمدة العرجة ))

بعد مقالى الماضى عن حمارة العمدة اليوم سوف نتحدث عن مقال متشابه وربما يأخذ البعض منه الدروس والعبر سنتحدث اليوم عن أحد الاشخاص فى الريف المصرى وهو انسان عنده طموح زيادة بنسبة 100% ياعنى لو حط رجله على أول السلمة ياستحيل انه ينزل عنها حتى لو أضطر يدوس على غيره برجلية المهم أنا وبس وهو رجل كل العصور وكل الأنظمة يأكل على أكثر من مائدة يأخد خطوة لقدام أو افضل ذى مانا والله المعين / ياعنى بدء حياته من الصفر من غفير الى شيخ غفر مميز الى شيخ بلد ياعنى فاضله سنة ويبقى عمدة ودة مش نهاية المطاف لكن فية لسة .

المهم لما وصل لمنصب شيخ البلد كان مميز (( بحمارته )) ألى شافت معاة الأمرين وعاشت معاة عمر كامل ياعنى حيله ومؤامراته هى شاهد عيان على كل بلاوية وعافة كل حاجة يعنى لو بتتكلم كانت ودته فى داهية لكن فى الحقيقة هوة كان بيحبها ومكنش بيبخل عليها وصارف عليها جامد حتى الحزام الجلد بتعها بعت وجابهولها جلد ثعبان من السودان دة غير الحلية الفضية التى كانت تزين رقابتها / ياعنى الحمارة دى كانت حمارة VIPمعروفة فى البلد كلها وكان أهل البلد لما يشفوها من بعيد ويسمعوا الرنات بتاعت الخلاخيل الريفية يعرفو انى شيخ البلد جاى / ماهو الحمارة ألى راكبها هى وجهة شيخ البلد / ولما جدت فى الأمور أمور وربنا كرمه وبقى عمدة ياعنى وصل للقمة وفى حفل تنصيبه من شيخ بلد لعمدة والمعروفة فى الأرياف بتحويل التليفون الارضى من منزل العمدة القديم الى بيت العمدة الجديد وتحديدا قرب منزل العمدة ألى كانت العمال مشغولة باحفر وتركيب الأشجار حولين بيته وفاجئة وقعت الحمارة فى الحفرة راحت رجليها أتكسرت راح العمد وبسرعة عرف انى علاجها مستحيل واعطى أوامره للغفر بربطها فى الزريبة وأستبدلها بحمارة تانية ياعنى ميصحش العمدة يركب (( حمارة عرجة )) بصراحة أهل البلد ناس كويسة سئلوا عليها راح العمدة قالهم (( ماتت وشبعت موت )) مرت سنوات والحمارة مربوطة بحبل فى الزريبة وفى الاخر زهت وقالت فى نفسها مش معقولة دة المسجون بيخرجوة زيارة وفكرت فى يوم وفكت الحبل وراحت تتمشى فى البلد / لكن أهل البلد لما شفوها عرفوها وعرفوا الحكاية ماهى عشرة عمر ومفيش ساعة وفضيحة العمدة بقت بجلاجل وكل اهل البلد لاموة واتهموه بالكذب والخداع والخيانة وأشياء كتيرة / حب العمدة ينتقم من الحمارة ألى خلت سيرته على كل لسان فى البلد راح العمدة أعطى أوامره لشيخ الغفر أنى ياخدها فى عربية مخصوص نص نقل وينزل بيها الجيزة ويسلمها لأدارة حديقة الحيوان وفى النهاية (( أعطاها هدية لحديقة الحيوانات )) كطعام ووجبة دسمة للأسود ودى كانت نهاية حمارة العمدة العرجة . (( أنتهى المقال ))

(( رسائل ))

(( الرئيس / عبد الفتاح السيسى/ رئيس الجمهورية ))

ياريس بخصوص تصريحات ترامب الأخيرة عن سد النهضة الأثيوبى طبعا عايزة مراجعة ؟؟؟؟ وخاصة أنها أتقالت قبل الأنتخابات بأيام ياعنى مش كل ألى بيقولوا الراجل دة فى الصالح أحيانا بيبقى عندهم هدف ؟؟؟؟؟؟؟؟.

(( الدكتور / مصطفى مدبولى / رئيس مجلس الوزراء ))

متهيئلى أن الأوان يادكتور اصدار تعليمات بمقاطعة المنتجات التركية نهائيا وعدم دخولها البلاد .

(( الأخ الصديق القديم معالى الأستاذ/ محمد سعفان / وزير القوى العاملة))

أنا قولت لحضرتك من سنين أنى الأتحاد العام لنقابات عمال مصر ومبنى 90 شارع الجلاء عايز هيكلة و قلبة ومتقوليش حضرتك انه منتخب وشخصية اعتبارية ومحصنة ياعنى عاجبك كدة القوائم الوطنية ولأول مرة فى التاريخ تخلوا من نقابين بالأتحاد حضرتك عارف لية لأن القوائم خافت تجبهم / علشان (( صحة عضويتهم ويطعن فيهم والعارف لايعرف)) ياعن فية بطحة ؟؟؟؟؟؟؟

(( الدكتور / على مصيلحى / وزير التموين ))

أنا عارف كويس انى الدولة تحولت للأقتصاد الحر ياعن حرية العرض والطلب وأنى المواطن لازم يدور على الأرخص والاجود لكن من حق وزارتك تراقب أحتكار السلع الذى فى النهاية بيدفع تمنه المواطن محدود الدخل / مش كدة .

بقلم

أحمد فاوى الضبع

أمين العمال بحزب الأحرار الأشتراكين

عضو مجلس ادارة الاتحاد العام لنقابات عمال مصر السابق

مقرر عام لجنة أمانات العمال بالأحزاب السياسية المصرية