كل اللي عدى من الحياة خطوة
كل اللي جاي سنين متتعدش
دنيا .. تشوف ضحكتها بالقوة
هدت جبال في قلوب متتهدش
عشمانة تملا الخلق خوف وعذاب
عرقانة دم اللي اشتروا الأهوال
ولا عمرها دقت عليهم باب
ولا عمرهم سألوها كيف الحال
عدت على قلب الفتى مرة
أغواه براح الأمنيات والحلم
صدق وعود الحر للحرة
ناسي ان قلبه أسير في حرب وسلم
لا الحلم يقدر يشتري صاحبه
ولا صاحبه يقدر مرة ع التأويل
لا النور وصل حبل الرؤى وصاحبه
ولا أي نار تعرف هداها دليل
الخوف من القسوة، معاذ الله
الكترة تغلب لو أسد في الغاب
والظلم بعضه من اختلاق الآه
من فرحة القلب بلقى الأحباب
عارف بإن الدنيا كيدها عظيم
سالف رداء الحكمة من كربي
خايف يكون حكم الملك تحريم
نور الهداية اللي ابتداه ربي
يا هل ترى قلبي اللي داق النور
يقدر يشوف الجنة وخضارها؟
العبد أمله كبير في رب غفور
يهرب له م الدنيا ومن نارها
