جريدة الاخبارية سياسية::شاملة::مستقلة
مقالات مشابهة
محتاجة حد يدلنى على طريق السعادة
ياخدنى ليها .. يشدنى ..تعبت والله
الحزن هدنى .. بالفرحة نفسى أغتنى ..
تعرفوا أنا نفسى أكون إيه ؟
عايزه أكون قاتله ..
أقتل الوحدة ..
الهم و الحزن ..
اللى بيخليني ابكى ..
بسبب ومن غير سبب ..
نفسى أقتل الحزن ..
بضحكة من القلب ..
نفسى أقتل اليأس والخوف ..
أقتل الغدر والجحود ..
اللى معشعش فى كل قلب ..
عايزه أقتل الكذب والكره والنفاق ..
أقتل الضمير الميت ..
اللى دبت فيه الحياة ..
ورجع لينا وحش مفترس ..
رجع ينتقم مننا ..
ويحملنا مسئولية قتله ..
تفتكروا بعد جرايم القتل دى كلها ..
هتكون عقوبتى ايه ؟ ..
براءة .. بإذن الله ..
تخاريف كاتبة
