تايه جُوَّا المشاكل………… مخنوق جُوَّا الزحام
ف جسمي الهم آكل ……… موجوع حزن وآلام
والدَّمع اللي ف عينيا ……….. ما يكفِّيه الكلام
لكن من فضل ربِّي……….. هيعدِّي الموج سلام
واصحيت الصُّبح بدري …….. بمزاج منعِش وفايق
الضِّحكة تمحي كدري ……….. والبحر بموجُه رايق
راح تعمل إيه سعادتك؟! …. لمَا خُلقَك يبقى ضايق
غير دعوة قلب مخلص …… يجي الفرح ف دقايق
..
الخير سر النَّجاة ………….. زي ما تعمل تلاقي
عندك منصب وجاه ……… حلو المقام لو راقي
مادمت معاك محبَّة ……. خلِّيك للحُب ساقي
كل الحياة دي فانية……. إيه غير السَّتر باقي؟!
..
يغريك شيطان تتغر ……. تفضل حياتك شقِي
تمشي ف طريق الشَّر …… تلقاه في وشَّك بَقِي
راح تلقى النَّعيم والرضا ….لو قلب عندك نقِى
مين اللي حظُّه نجا؟! ……..غير السَّليم والتَقِي
..
