احسني يا بنتي الأختيار…
اختاريه راجل يرفع راسك قدام الناس
ويخاف علي شعورك و علي الاحساس
راجل يشرفك طول الوقت و يخاف على منظرك وما يخليش حد أو حاجه تزعلك أو حزن يقهرك
بيعمل اى حاجه عشان ميكسركيش قدام نفسك أو ناسك أو حتي ادام حد عارف أنه يابنتي بيكرهك
…….
اختاريه راجل بجد تتعبيله وانتي عارفه أنه مش هايفضل عليك حد
مطمنة انه هيفضل شايلك فوق راسه ويديلك كل حبه وإحساسه
اختاريه راجل متربى على انه يحب من غير مقابل وفي المواقف بجد قوي وصابر…
مش واحد الحب عنده تسالي وأزأزة يا لب
اختاريه راجل أبوة رباه مايزعلش منه حد كان في يوم صادق معاه بجد
اختاريه يابنتي راجل زعلك ومشاعرك بتفرق معاه حتى لو ادامك مش مبين
بس من جواه فارق معاه .. وعارفه أنه إنسان طيب حنين
اختاريه راجل بيعرف ازاى وامتى يفرحك ورغم همومه عمره يا بنتي مايجرحك
اختاريه راجل بيغير وبيزعق وقت الغلط ، وبيعرف بعدها يصالحك ويطبطب عليكي وبكلامه الحلو يراضيكي
اختاريه راجل يمسك ايداكي وتمشي معاه وانتي مطمنه وعيونك معاه مغمضه
اختاريه راجل قلبه بيعرف يعني ايه
موده ويعني ايه حب
