جريدة الاخبارية سياسية::شاملة::مستقلة
مقالات مشابهة
مفتتح ٠٠٠
يا راجل روح
جمال الطين ما يكملشى ..
بغير الروح
وبعض النزف لو طوّل
بيبقى يا حبيب قلبى
جروح ف جروح
وإكتبنـــا ..
منين ما يطاوعك المعنى
وباب الحرف يفــتحلك
وترتاحلك ساعات البوح
وسيبك يا جدع سيبك
من الجارح
وطبطب بس ع المجروح
وصفى الروح تشوف أكتر
قواله الخلق ف الباطل
غبار خانق
مغمق لمعة الأخضر
لا حرفك واحدة هيشيله
ولا حرفى الحزين ..
يقـدر
فعبّر بس عن جوعك
وحُـب الناس
وفكر بس ف دموعك
على اللى مات من الإحساس
