عادي جداً لما تلقى
جوا قلبك شيئ حزين
تلقى جوا الروح بيصحى
جرح عدى عليه سنين
والهموم دايماً كتيرة
ع الكتاف دى هد حيل
نفسي لو مرات قليلة
القى فيها الناس بخير
كله عادي ونعمل إيه
طول ما جرح القلب ساكن
جوا منا وبنداريه
يعلى صوت الحق لكن
تلقى ناس بتوطي فيه
تلقى ناس مؤذية جداً
بايعة ليك كل القضية
وشها مابقاش بيضحك
إلا لما نكون ضحية
طبعها مش كله واحد
طبع متلون وجاحد
والضمير ميت أكيد
والملامح هي هي
تتكشف لو من بعيد
الحياة كده ليه غريبة؟
ولا انا مابقتش عارفة
شايفة فيها الناس مريبة
واخدة رخصة صدق تالفة
بس طول ما قلوبنا صافية
نلقى رب الكون حامينا
جوا روحنا ليالي دافية
طارحة شمس الحب فينا
