أنسب وأصح طريقة لفك اللحوم (لحوم حمراء أو دواجن) هى داخل الثلاجة .. لمدة تتراوح ما بين ساعتين ل ثلاث ساعات.
حد هيقول طب ماهى كده مش هتكون لحقت تفك بشكل كامل؟؟
مظبوط .. وهو ده المطلوب …
اللحمة عبارة عن عضلة والنسيج العضلى بيتكون من مجموعة من الخلايا والخلية ٩٥٪ من مكوناتها ماء ..
اللى بيحصل إن المية اللى جوه الخلية لما بتتجمد حجمها بيزيد فابتضغط على جدار الخلية البروتينية وتحطمه وتعمل فيه فتحات …(زى إزازة المية لو مليناها على الاخر وقفلناها وشيلناها فى الفريزر بعد ما تتجمد بتفرقع وتنكسر)
ولما تبتدى تفك يبتدى يدوب المحتوى البروتينى المفيد فى اللحمة ده ويتصفى وتنزل معاه كل الأحماض الامينية والقيمة الغذائية (اللى بنسميه مجازا دم )
بكده تفقد قطعة اللحمة جزء كبير من قيمتها وكمان طعمها نتيجة إننا سيبناها تفك بالكامل وتفقد جزء كبير من عصارتها الطبيعية
لأ وكمان فى ناس بتمسكها تهريها غسيل وعصر بإيديهم عشان يصفوها من ((اللى بيعتقدوا إنه دم)) وهما مش عارفين انهم كده بيحولوا قطعة اللحم لقطعة بلاستيك مافيهاش طعم ولا قيمة غذائية و يسألوا بعد كده هى اللحمة بتشد وبتنشف معانا ليه !
ملحوظة …
اللحمة بعد الذبح مابيكونش فيها دم نهائى .. طريقة الذبح الشرعية بتعتمد على استنزاف كامل كمية الدم وتصفيتها بعد الذبح .
كمان الدم بيكون داخل العروق والشرايين مش داخل العضلات نهائى.
.
