هتتعلم إن مش كل حاجة حلوه لازم تدوم. وإن في ناس هتكون مراحل في حياتك هتيجي لغرض يعلمه الله وهتمشي . ومين تبكي على كتفه و إن سعات لازم تمسح دموعك بإيدك انت وبس..
وتتعلم تحب و تفارق وتفقد جزء من روحك وتكمل.. وتتعلم من الناس إللي جرحتك وخذلتك و إللي إنت جرحتهم..وهتشوف الدنيا وهي بتعلمك إن الشيء الوحيد الأكيد إن مفيش حال بيدوم..
هتتعلم يعني إيه ثقة ويعني إيه جدعنه واصول والدروس دي هتتعلمها من الخاين والندل وقليل الاصل قبل الصاحب الجدع ابن الاصول..وإنك تعيش بشوية تشوهات جوا نفسك بس عادي ، !! كله خير..
هتتعلم إنك لسه قدامك كتير ولازم تفضل تربي نفسك..وكل ما تتعلم ، هتدرك إنك أمام علم الله قليل جدًا..
هتتعلم إن في ناس في حياتك مينفعش تسيبها لازم تمسك فيهم لا يعوضوا..وهتتعلم إنك سعات لازم تفتح الطريق للي عايز يمشي..وإنت قلبك راضي وماشي في سكتك..
ومن أكبر الحاجات الي لازم تتعلمها إنك تسامح نفسك وتسامح إللي حواليك..وتتعلم إن أكبر كنز لك هي أعمالك الخالصة لله..وإن كان اتكتب عليك الالم.ف ربنا يكتب لك إنك تسيرفي الطريق الصح ومع الناس الصح الصح !!
واعلم طول مااحنا عايشين نتعلم ونتعلم الكثير والكثير
