سبحان الله خلق كل شئ بقدر وجعل لكل شئ خلقة عملة وقدراته وامكانيته التى تناسبه فى الحياة ففى مملكة النحل والنمل الضعيف حدد لكل فرد فى المملكة دور ووظيفة وكله بيخدم على كله فى تنظيم وترتيب ربانى مذهل فالملكة فى الخليه لها دور وضع البيض بعد التلقيح لاستمرار السلالة والذكور لها دور تلقيح الملكة حتى لو كان الموت النهاية حفاظا على السلالة والشغاله لها ادوار متنوعة فمنها من يقوم بالحراسة ومنها من يقوم بتنظيف الخلايا زمنها من يسعى ويخرج لجمع الرحيق وتكوين العسل ومنها ايضا من يختص بخدمة الملكة ورعايتها وهكذا لكل فرد دور محدد مخصص لا يحيد عنه ولا يهملة وربنا سبحانه وتعالى حدد الادوار والاختصاصات والاختيارات فى عالم الحيوانات والحشرات لانها لا تملك العقل للتفكير والاختيار فكان التدخل الالهى فى هذا الامر حتى لا تتوه المسائل وتختلط الامور
اما عندنا فى مملكة الانسان كرمة الله عز وجل وميزة بالعقل واعطاة الحكمة والقدرة على الاختيارات وتوزيع المهام ووضع الاسس والقواعد اللازمة لهذا العمل حتى يتحقق العدل بين الناس ونهى عن الظلم ولكن للاسف نسئ هذا العمل فى اختياراتنا ووظائفنا وخاصة فيما يشغل تفكير الناس فى هذه الايام وهو موضوع الاختيارات الانتخابية وهى امر فى غاية الخطورة وغاية الاهمية لانك تختار اشخاص يحددون ويعملون على مستقبل بلد ونموه وتحقيق العدل والمساواة بين افراد المجتمع
وبنظرة سريعة بلا اطاله نجد الاحزاب المصرية للاسف اتبعت سياسة خلايا النحل فى اختيار ممثليها فى الانتخابات فالملكة هى اصحاب وقيادات الاحزاب الذين يضعون اسمائهم ويختارون انفسهم فى صدر القوائم المغضوب عليها من الشعب لتحقيق النجاح المضمون بلا تعب ولا مجهود رغم انف الناس والذكور فى الخلايا يمثلها اصحاب رؤؤس الاموال والاغنياء فلا وظيفة لهم فى المجتمع الا احتلال الكرسى فى البرلمان باموالهم وفلوسهم وسياسة هتدفع كام
ونصل الى الشغاله المغلوبة على امرها واللى بتقوم بكل الاعمال والوظائف التى تؤدى فى الخليه وهى تمثل عندنا الشعب او قل اعضاء هذه الاحزاب من عامة الشعب اللى بيشتغلوا خدامين للاحزاب وبيختلفوا ويتخانقوا على ايه معرفش وهم بعيدين كل البعد عن اختيارات الاحزاب او حتى وضعهم فى الاعتبار او مجرد التفكير فى اختيار واحد فى قوائم الانتخابات من عامة الشعب الغلبان على الشغالة فى الاحزاب العمل بجد وقوة من اجل ملكات وذكور الاحزاب واحتلالهم مقاعد المجالس النيابية ولتبقى للشغالة الخلافات والمشاكل والمؤامرات ولايمكن يوما ما ان تفكر الشغاله فى احتلال مقاعد البهوات لان دة مخالف لطبيعة ممالك الحيوانات والحشرات للاسف الشديد ودخلت معها مملكة الانسان فبلاش نتعب نفسنا واللى يختار يختار واللى معاه يدفع ويدخل يتفضل وخلينا احنا فى عداد الشغالات الغلابه والمساكين وكلنا للاسف بنخدم على الاسياد والبهوات ورجال المال دون ان ندرى او نعرف وبيرموا لناالفتات والوعود ويغلفوها بالاحلام الوردية بس نصيحة كلنا مننساش تنغطى قبل ما ننام واوعى تحام انك هتكون زى ملكة النحا او ذكر النحل فى يوم من الايام واعرف انك هتفضل طول عمرك من الشغالة مهما ضحك عليك الباشا او البية بتاع الاحزاب
مش كده ولا ايه
