جريدة الاخبارية سياسية::شاملة::مستقلة
مقالات مشابهة
الغاية من العلاقات الإنسانية بمختلف أشكالها هو شعور الونس
الونس عكازك فى الحياة، روح بتردّ فيك الروح..
احتياج لا يقل عن الاحتياج للأكل والشرب..
الونس في الصُّحبة وفي الكلام وفي الطريق وفي الحكاية
الدفا، والطبطبة،واللمة المريحة، والحُضن علي غفلة، والكلام الحلو، والضحكة اللي من القلب وسط ناسك..
الونس لما يلاقيك بتقع يسندك من غير إنتظار ولا مُقابل..
يُحب ما تُحب و مَن تُحِب على حبك لهم، ويشاركك السعادة بقلب يتمنى دوامها، و يشاركك الحُزن بقلب يتمنى زواله .
وجودك مع شخص شايف حقيقتك و #مؤمن بيك و بيدعمك …
هيضاعف طاقتك ويزيد إمكانياتك، ويسهل حركتك ويشعل شغفك، وهيوصلك لمناطق داخل وعيك ممكن ماتكونش مُدرك لوجودها أصلًا …
يُقبل عليك حين تُدبر عنه، و ويتمسك بك حين تفلت يده، و يُداويك حين تعجز أن تداوي نفسك، وينير عتمة روحك بودّه، ويراك بعين مُحبة ترى كل الخير فيك..
الإمام #ابن_الجوزي: (بيحكي في كتابه صيد الخاطر عن الوَنس، وإنه شاف إتنين شايلين جزع نخلة علي كتافهم، والغريبة إنهم كانوا بيضحكوا ويغنوا.. مع إن جزع النخلة تقيل.. فبيقول: فتتبعتهم” مشيت وراهم أشوف إيه حكايتهم.. لقي واحد بيغني جملة والتاني ساكت، وبعدين التاني يقول جملة ويرددوها سوا.
فقال إن الونس بيخفف الحمول، والتعب، وبيختصر الوقت) .
شخص واحد فقط مؤمن بحقيقتك قادر على مساعدتك للتحول لأفضل نسخة منك …
وعلى رأي فؤاد حداد: حِمل الليالي خفيف لما يشلوه إتنين
