الله يرحمك ياقلب…. مت وسيبتنى
اعيش لوحدى….. مابين العادى
والإحساس بالذنب ……الله يرحمك ياقلب
كنت مسكين .. طيب .. حنين .. أمين
مت .. وأخدت معاك الضمير
كان فيك العدالة …… والأمانه ..
كان دمك .. دايما فاير .. علي الظلم ثائر
ودايما للحق جايب ….. مت وسيبتنا نعيش
… فى الدنيا من غيرك … لوحدينا
على دماغنا.. تدينا ونديها ..
ماهي دنيا .. ولازم نعيش فيها ..
بالأونطة .. بالسخرية .. أهو بنقضيها
تضحك علينا ..وبرضه بنضحك عليها
بقى فيها كتير من الهليبة
الجماعة اللى بيتقال عليهم … كسيبة
ولا بتهمهم العيبة ……الله يرحمك ياقلب
من بعدك …الأسد بقى يخاف ..
ويعمل حساب للكلب ..
والدنيا بقت مقلوبة .. تشوف فيها الظلم حق
…الخاين لابس توب الصدق والحبيبة
ماخلاص بقت دنيا غريبة …و
اوعاك ياقلب تصدق
…اللى يجى يقول لك الناس عايشة
فى خير .. وكلهم حنيه و طيبة ..
اقول لك لا ….
بعدك ..بقت قلوبهم سودة ….ملفوفة بقشرة بيضة…
ولو شيلت من عليهم …القشرة
هتلاقى ياااااااااااا ..قلوب سودة
فيها الخسة ..والدنائة والعيبة ..
وكل واحد شايل للتانى ..
الف مليون مصيبة ؟؟؟
وان جيت تعاتبه… يقول لك ده لزوم الهيبة …
دى قلوب كلها خيبة .. ومالها أي قيمة ..
خلاص .. دى دنيا العيبة .. والناس اللعيبة ..
الله يرحمك ياقلب ..
الطيب بعدك تايه
بيدور عليك فى كل شارع .. وحارة .. ودرب
فى الآخر .. راجع خايف ..مرعوب ..
مابقيتش دنيا .. دي معركة .. و بجد .. حرب
والطيب ياما شبع منها .. ضرب
والمذنب عمره مابيعتذر .. ولا يحس بأي ذنب
باختصار .. مش حنقول غير .. يارب ..
.والله يرحمك ياقلب………..
تخاريف كاتبة..
