جريدة الاخبارية سياسية::شاملة::مستقلة
أمانة عليك يا قبر
تأخد ابنى بالحضن .
ده شاب زى الورد .
واتقتل يا قلبى غدر .
أمانة عليكى يا شمس .
تاخدى ابنى بالحنية
اللى اتقتل وهو راجع من الجهادية .
ده كان فرحة قلبى ونور عينيا .
أمانة عليك ياتراب
تخلى بالك من الاحباب
. اللى اتقتل فى عز الشباب
. وحياتى من بعده بقت نار وضباب
. ياريتنى انا اللى جيتلك بداله .
وهو اتهني بشبابه
ده ما خدس من الدنيا منابه .
امانة عليك يا قمر
تنور قبر حبيبى .
عشان بلده ماهموش الخطر
ومن غير سبب
ليه ضنايا اتقتل ؟
وقلبى عليه انفطر .
امانة عليك يا طير
تعرف لى ابنى اتقتل ليه ؟
ودمه فى رقبة مين ؟
قلبي من الحزن اتعصر
امانة عليك يا صبر
ماتزورنى ولا تجينى
إلا لما اشوف القصاص
ويرتاح قلبى وتنام عينى
امانة عليكى يا جنة
تخلى شهيدى فيكى .. يتهنى
تخاريف كاتبة
