اغلب الناس فى مصر معندهاش حرية الاختيار والرفاهية زى اغلب الدول والشعوب .. فى ناس مجبرة على المواجهة .
مواجهة الأخطر من المرض وهو الفقر والجوع … اغلب الناس فى مصر مش موظفين يأخد اجازة مدفوعة الأجر لأ الفئة الاغلب فى مصر الناس إللى عايشة اليوم بيومه خايفة انها تقعد من شغلها اسبوع اكتر ما خايفة من الفيروس الناس كل الى على لسانها لو قعدنا هنأكل عيالنا ازاى ..
بتكلم عن الناس المطحونة ومش فارق معاهم غير لقمة العيش ..
كان واجب من الدولة زى ما تأخد التدابير الاحترازيه لعدم انتشار الفيروس تفكر فى الناس دى وتعينهم قبل ما تلزم الناس تقعد فى البيت يكون فى بديل للحصول على احتياجات اولادهم ضرورى الدولة تعين الناس دى .. يعنى مثلا
– زيادة المستحقات التموينيه للضعف لمدة ٣ شهور
– منح قروض بدون فوائد على كل بطاقة تموينية ويسدد على سنة
– تأجيل الأقساط المستحقة على الأفراد
– السماح بعدم سداد فواتير الكهرباء والمياه والغاز ..
….
وفى حلول كتير … عندما تفرضون التدابير الاحترازية راعوا واعينوا الناس المطحونة اعانكم الله
