اسرح طول الليل وبغنى
اقول تعالوا و اسمعوا فنى
اصل انا قلمى حر بيرسم
صوره تحس معاها بالراحه
ولا تقرب منك حبه
تلمع جوه عيونك لونها
تنادى عليها بصوت مسموع
تجرى عليها تحضن معنى
فى قلب الرسمه شوفته يطير
بين اعشاب الارض ونيلها
وحتى سماها وبحر كبير
ينط النطه بضحكه كبيره
توصل حتى لسور الصين
ومره تلاقى الدمعه بتنزل
فوق الخد بطيبة قلب
ولما تشوف فى طفل صغير
بسمه رقيقه بتهدى الكون
وردة حب تصفى الدنيا
من الاحزان وطول الصبر
فجاه تلاقى نفسك واحد
كان بيفكر انه غراب
بس فى لحظة صدق اطمن
انه لسه ما زال انسان
يمسك ريشه يلون عمره
اصل الحب صبح فنان
