وشوشة الودع يا زين على شاب كحيل العين
جدع وما في زيه في البرين
وفي حسنه وجماله تعشقه النفس قبل العين
وفي وصفه اتقال عليه حكايات من الجنسين
وأيه يقول الودع تاني يا زين؟
الودع يقول الشاب عجباه وقفة الصبايا لي ع الصفين
وكأنه فارس زمانه تهواه حور العين
وقلبك يا صبية اتعلق بيه واتقسم نصين
وصار النوم ما يعرف مكان لعيونك الحلوين
وصار حالك يصعب على المسكين
وكل اللي يسمع حكايتك يضرب على الكفين
سألتها وايه يكون الحل وحياة ولادك الاتنين؟
قالتلي دواكي صعب يا بنية
الجدع تهواه واحدة تانية
وانتي يا غلبانة في حياته مش باينة
والله صعبتي عليا وحالك بكا عنيا
العشق يا ما حير صبايا عدوا عليا
ودوا العشق ما في يدي ولا يد ناس تانية
ده في يد القلوب القاسية اللي للحب مدارية
