اسمحلي اقلك كلمة قالها الشارع الكبير
ايوا بغير
مجنونة بيك ما هو اللي زيك مش كتير
ايوا بغير
وعندي اسباب للغيرة عليك كتير
يمكن علشان حبيتك حب كبير
ولا علشان لاقيت نفسي معاك بعد ما فات من عمري كتير
طيب وحياة الغالين
انا وعيوني وقلبي ليك مشتاقين
عارفاك فاكرني بقيت من المجانين
اذا كان حبي ليك بتسميه جنون
موافقة بس ما اتحرمش من دي العيون
ايوا بغير
َوعارفة اني يمكن اكون تعبتك كتير
ما هي الست منا لما تحب بجد
عمرها ما بتشوف حبيبها اي حد
طيب هقولك على حكاية
خليك بس مركز ويايا
انا يمكن اكون ست بسبع رجالة
يتحاكي عليها الف حكاية وحكاية
بس لحد عندك انت يظهر الخوف جوايا
خوف على سنين كتير جاية فارقة معايا
وخوف على إيام عشناها سوا بأحلي ايام صبايا
شوفت بقى حكايتي ازاي حكاية معاك
منا اصلي شكلي كنت موعودة بلقاك
وكان مكتوبلي اققع في هواك
دي أجمل لحظات بعيشها وانا بستناك
ومسيرك في يوم هتعرف معنى الغيرة جواك
وتعذر قلبي المليان بالغيرة من اول لحظة لقاك
