إبقي غطيني برموشك
ثم نامي
وأما تصحي
طبطبي فوق خدي حبة
وإن لقيتي القلب مني بيستخبي
إعرفي إنك خلاص
مش حبيبة!!!
علشان وإنتِ قريبة
كنتِ قاسية
كنتِ سيف بألف حد
كنتِ صحرا مافيها حد
وكل ماأفتح لك بيباني
عشان تباني
ألقي جوة القلب سد
وكنت ببعت لك مشاعري وفيها ورد
وأما غنت قرب بابك
كان جوابك كله صد
قلبي جالك وارتجاكِ
إنه في حجرك ينام
مارضتيش
ارتجاكِ في كلمتين:
إبقي غطيني برموشك
ثم نامي
وأما تصحي
طبطبي فوق خدي حبة
وإن لقيتي القلب مني بيستخبي
إعرفي انك خلاص
مش حبيبة!!!!!
