اسألوا الناس فى الشوارع
واللى خارجين م الجوامع
والكنايس والمصانع
والمصالح والمزارع
هيقولوا لكوا كلام كتير
(المسا) علامة ف بيوتنا
(المسا) بقى فيها روحنا
هى تتكلم بصوتنا
قفلها يزود جروحنا
دا احنا اتعلمنا منها
حب مصر ازاى يكون
مش هننسي ف يوم جميلها
سددت عنا الديون
مش هننسي ف يوم صدورها
بعد فوزنا بفرق جون
لما ابو صلاح عملها
ضد كونغو بجون وجون.
لما حولونا (موقع)
قلنا :طب (موقعنا) فين؟
ياعمنا فاضل يومين
يالا هاتوا لنا (الدومين)
طب ولو حتى جهازين
قالوا :هنجيب لك منين
يعنى لا تخلونا (نصدر)
ولا سيبتوا لنا الأمان
دى (المسا) لو كت بتخسر
غيرنا (فلس) من زمان
دخلنا وتوزيعنا أكتر
لو حكمتم بالميزان
كلمة للى مش معانا
باختصار وبدون ديباجة
لو قفلتوا ف يوم (مسانا)
مصر هتكون ناقصة حاجة
(المسا) دى تاريخ معانا
ليه بتمحوا لنا التاريخ؟
ما تسيبوها مفرحانا
هى بتحلى الطبيخ!!
