كتب عادل ابراهيم
نعت الفنانة نهال عنبر، الفنانة الكبيرة دلال عبدالعزيز التي رحلت عن عالمنا يوم السبت بعد صراع مع المرض منذ إصابتها بـ كورونا في 30 أبريل الماضي.
وقالت عنبر، في مداخلة مع برنامج “تحت الشمس” الذي يقدمه الدكتور معتز عبد الفتاح عبر قناة “الشمس”، “ذكرياتي معاها كتير، جدعنة ووقوف جنب الناس، إنسانة مفيش زيّها، مفيش عزا مرحتهوش”.
أضافت: “دلال كانت بتحب الناس، وحنينة على الناس، في مواقف كتير ليها مع الغلابة، عمرها ما كانت بتتأخر، وكانت تقولي وهجيبلك من دنيا وإيمي فلوس كمان، كانت كريمة وجدعة، ورحيلها وجع قلوبنا”.
تابعت: “إحنا كنا دايما بنعمل ختمة قرآن لأي حد مننا بيتوفى، هي خلتنا نعمل حاجة لينا إحنا مش للراحلين بس اسمها (بركة القرآن الكريم)، وعملت جروب فيه مجموعة كبيرة من الفنانين وكل واحد عليه جزء قرآن بحيث أننا نختم كتاب ربنا يوميا”.
وغادرت عالمنا يوم السبت 7 أغسطس، الفنانة الكبيرة دلال عبد العزيز، بعد صراع مع المرض منذ أصيبت بكورونا في 30 أبريل الماضي، عن عمر يناهز 61 عاما.
