فاكرين الراجل زمان ألى حب يعمل أكلة مكرونة وهوة بيسلقها اتعجنت منه وخاف يرميها ولما جة يقدمها للمدعوين راح حط على وشها شوية صلصة علشان تبان شكلها جميل وحلو.
هوة دة تحديدا عزيزى العامل ماجرى فى الأنتخابات النقابية العمالية الأخيرة 2022 / 2026
وذى ماكنت وعلى مدار الاربع سنوات الماضية بقولكم أنى بيت الداء فى التنظيم النقابى اى فى معدته هى النقابات العامة والتى بتتدخل وبشكل سافر فى صعود النقابات القاعدية علشان تضمن التزكية وبعد كل دة / تذهب تتصعد للاعلى المهم عرفنا مناطق الخلل فى التنظيم النقابى المصرى هوة منتصف التنظيم ياعنى سبحان الله فى أغلب المؤسسات يختلف الجميع ياعنى الأصلاح نبدئه من فوق ولا من تحت أهى دى بقى (( المؤسسة الوحيدة ألى أصلاحها لازم يبدء من المنتصف / النقابات العامة المصرية مصدر الخلل والفساد النقابى )) .
المهم انى الأنتخابات الاخيرة شهدت أكبر وأعلى تجاوزات شهدتها الحركة العمالية المصرية فى تاريخها بمعنى انى وزير القوى العاملة وتحديدا فى موضوع الحد الادنى للأجور قال انى مصر بها 400 ألف منشأة والانتخابات كما سمعنا مؤخرا جرت على 15 ألف لجنة نقابية نجح منهم 70% بالتزكية معنى الكلام دة أنى فية 385 ألف مشأة بلا نقابة ومعروف الفترة الجاية تبدء النقابات العامة أحياء لماء الوجه عمل لجان أدارية ودى طبعا مصيبة كبيرة ونقول لية المظاهرات كتير ومفيش وعى عمالى لية ؟؟؟؟؟؟.
لكن أخطر ماحدث هو وجود نقابتين فى شركة مصر حلوان ياعنى شركة معدات الغزل وعددهم 140 عامل عملوا نقابة يفصلهم بينهم وبين شركة مصر حلوان رصيف 3 متر عملوا ايضا نقابة ورئيس الشركة القابضة للغزل والنسيج ضم شركة المعدات فى سبتمبر الماضى 2021 رسميا وأصبحت معدات الغزل احد عنابر شركة مصر حلوان لتكون هناك نقابتين فى منشأة واحدة ومجلس ادارة واحد مخلفة لقانون النقابات العمالية الاخير هوة وبمعنى اوضح تبقى نقابتين فى شركة واحدة كلاهما فى محافظة ذى النحاس فى الاسكندرية والعامة للمعادن فى القاهرة مثلا كدة عادى لكن فى محافظة واحدة ؟؟؟؟؟؟ لتبدء تعددية نقابية هى الاخطر على الامن القومى المصرى مقصودة ثم تتشعب لتطول جميع المنشأت المصرية ؟؟؟؟؟؟ / دة طبعا غير الاستبعادات التى طالت مايقرب من حوالى الألف عامل ؟؟؟؟؟ .
والعار كل العار وجود الاستمارة 17 ياعنى لو حبيت تنزل الانتخابات قدام رأيس النقابة العامة او حتى العضوية لازم تمضى من الشخص ألى انت نازل ضده فمنهم من أختفى والاخر اغلق نقابته العامة واخر دخل المستشفى علشان يجى النقابى زكريا من أدفو ويرجعوه تانى عدى علينا بكرة يكون الريس خرج من المستشفى ؟؟؟؟؟؟ علشان كدة التزكية وصلت ل19 نقابة عامة ؟؟؟؟؟؟ ولو كانت وزارة القوى العاملة حبت تنضف بالمرة لماذا الوزير لم يفعل القرار رقم 11 الخاص بمجلس الوزراء بأستبعاد كل من هو تم تعينه فى القطاع العام بعد 2016 بالمخالفة للقرار وهناك قيادات عمالية الان داخل الاتحاد تم تعينها بعد القرار يعنى عضويتهم مزورة وبالرغم من هذا الوزارة طنشت ؟؟؟؟؟ وعملت ودن من طين وودن من عجين وفى الاخر نرى (( أصحاب الليقات البيضاء )) على رأس التنظيم النقابى المصرى للأسف / وهناك نقابتين عامة الغزل والنسيج والانتاج الحربى منعرفش مصيرهم اية ؟؟؟؟؟؟؟ ياعنى التغير كان شكلى بس مش أكتر (( وعملنا ذى ألى رقصت على السلم لا ألى فوق شفوها ولا ألى تحت رأوها )) ياعنى أكلة المكرونة اتعجنت طاب نعمل اية انتخابات رئيس الاتحاد هيى دى الصلصة أنتخابات ديمقراطيية عمالية على الطريقة الامريكية ياعنى بما يرضى الله ياعنى الجمعية العمومية للأتحاد عددها 481 شخص ليفوز أحدهم ب445 صوت مقابل 170 صوت فى انتخابات صفق لها الجميع من حلاوة الصلصة ألى فيها ؟؟؟؟؟؟ وبعد كل ألى قولناة بذمتك عزيزى العامل دى مش تبقى ………..؟؟؟؟؟؟؟؟؟؟
(( انتخابات نقابية عمالية مصرية بطعم الصلصة ))
(( أنتهى المقال ))
(( رسائل ))
(( الرئيس / عبد الفتاح السيسى / رئيس الجمهورية ))
ياريس أنا عارف انها أيام صعبة وتقيلة على الكل لكن ياريت حضرتك تتأنى شوية فى المشروعات العملاقة لغاية ما الأزمة تعدى .
(( الدكتور / على مصلحي وزير التموين ))
الله يكون فى العون وأنا حاسس بيك لكن معالى الوزير انا اعلم انى الدولة انتقلت لنظام الأقتصاد الحر لكن مراقبة التجار فى الاسعار وأحتكار السلع فرض عين .
(( الأستاذ / محمد سعفان وزير القوى العاملة ))
أسف جدا معالى الوزير أسوء انتخابات فى تاريخ الحركة العمالية المصرية تعددية نقابية فى شركة مصر حلوان ووجود نقابتين فى شركة واحدة وعدم تنفيذ القرار 11 مجلس الوزراء أحنا بنجامل مين وعلى حساب مين ياعنى هناك قيادات موجودة فى 90 شارع الجلاء بالباطل وما بنى على باطل فهو باطل ؟؟؟؟؟؟؟؟؟؟ .
(( الدكتورة / راشا راغب رئيسة الأكاديمية الوطنية والمسؤلة عن تنظيم الحوار الوطنى ))
لعلم حضرتك المجموع الكلى لعمال مصر 35 مليون عامل وأتحاد العمال عضويته 4 مليون عامل يعنى مش هوة ممثل الوحيد لعمال مصر وهناك احزاب فيها أمانات عمال ممكن تشارك فى الحوار الوطنى وليها أراء تانية / متهيئلى وصلت .
بقلم
أحمد فاوى الضبع
أمين العمال بحزب أرادة جيل
مقرر عام لجنة امانات العمال بالأحزاب السياسية المصرية
أمين مساعد صندوق الأتحاد العام لنقابات عمال مصر السابق
