صحيح ف الوحدة بتحس بحنين للشمس………..
وبتحتاج الي السلوى
لكن برضو السلام النفسي عاوز طبطبة حلوة
وضوء خافت…ونور قادم بيتهافت
ف مياخدش ف هواك غلوة
فتتغير حرارة الجسم…والروح تندهك بالإسم
تعمل قسطرة للحب تلقي هيام
تعمل رسم عمر تلاقي عمرك زاد بتاع كام عام
ولا تحتاج غسيل ضحكة ولاتحتاج غسيل كلوة
عشان الوحدة …بتصفيك وبترقيك
وبتنقى الشوائب فيك…وبتجيب من جمال روحك تحط عليك ….وبتخليك تقول الله….
وانا صوفى بحكم الحزن والأوجاع.
بحكم الآه
وقلبي بيغتسل لو جاع
وبامشى لوحدى ع المية ولى كرامات
.انا لما باحب باعيش لكن روحى مهيش فيا….
باعيش بطريقة فوقية.
.بتلبس روحى واحد مات.
.وسيرته بتجرى ف الأساطير
ان لما باحب باطير…
واهاجر من غدير لغدير…واحط علي فروع العشق القٌَط ضى م التبكير
وبابقي ضرير وتتحول عيونى..عيون رومانسية
باشوف لكن بعين تانية
بزاوية من ورا الدنيا…..وباسمع صوت من الجنة كأنه خرير
ماليش شلة
.ودى أجمل مساحة صدق للتبرير
وشرح الحمدى..عن نفسه..لاشعراوى ولا ابن كثير
ف باعتر فيا بسهوله..وبالقانى
.غير الل انا عارفه فى التصوير
جميلة الوحدة والله مادام روحك بتعتر فيك
