نرجع لخانه ال لا
و نتمرن علي الوحده
ما كنت بدونه مرتاحه
و قلبي الفاضي كان اهدي
انا ف حزني ضلوعي كمان بتتكسر
و ذنبي ف رقبه الساحر
انا رغم السكات بافرح و بارضي باي شيء و اسخر
كأني البر لمراكب محمله قهر للآخر
و رغم القول و ذكر محاسن الأموات
و تبديل الالم ضحكات
في روحي الطيبه حسنات و لعنات و كل شيء بالضاد و الكاد
و مع ذلك بوزع فرح .. باغنيلها كي يدوم الطرح
ماشاله الجرح متسنتر ..بقلبي الشاري متمختر
و عاجز مين ….. دانا بضحكه باغير في اللي متقدر
لكن روحي من الاوجاع بقت تسكر
و شيء في ضلوعي بقي عاجز يضخ الدم
كأني في هم معمولي عموله يا عم
و شيء محرج تشوف نفسك وانت بتعافر
تسافر كل يوم مشاوير اخرها انك عويل خاسر
يا دين الرب ما تهدي لروحي بقي إنجاز
سامحني في كل زلاتي .عاملني بفيض كرم منك
كمان انا جبت فعلا جاز … و شفت الرحمه من اسمك
انا الخاسر و رغم الضحك مش قادر
بصون الود بس تعبت … و شيء بداريه لكن فاجر
بخاطر باللي في شجوني
و اشاطر حزني و جنوني
الوم اللي بقيت منهم .. و رغم اني باكنلهم ..
مشاعر صافيه خانوني
و ايه اقسي من الصفحه اللي تتبدل
في لحظه من سما غيومي
