قلبي اتقبض ……..كأني في الغربه اغتربت
كأني مش قادره ابقي حد ….
لحد تاني مفتقد …
قلبي اللي سلم للحياه و امنلها
شاف منها ويل و لسه فيه يشتاقلها .
قلبي اتقبض ..
مليون سبب رافض ل قلبي يعترف
رافض يقوم من مطرحه
يبرح في قصه تفرحه
او من خياله يستلف
شيء مختلف …او يشبهه
كل الحكايه مواجهته ..او صدمته
عايش بيعند دنيته ….
مبقاش يخاف علي فرصه تانيه تمجده
او تكسفه …..
قلبي البريء عاند يحن و يترسم
علي ارض حلوه بتبتسم
و شجون و بهجه بتتولد
علي موج ف بحر بيبتهج
عارف ينحي الهم جنب الرمل علي شطه
قادر يقول للجاي …انا حي مهما انتظرته
و بطول حكايته استلهم الغنوه
قادر يفوق او يخلق الهمه
يا دوب يا قلبي ابتديت تفهم
انك بسيط مش حمل عند يخسفك
او موجه عاليه تقسمك
من بين جبلين مشاعر…. يمكن تنصفك
او تخسفك
حاول تخوض الحرب و ابدا بجد تحب
الدنيا ايه غير الف كدبه بتتكدب
وانت الرقيق خليك بريء
في حقيقه يمكن تنجدك
من وحدتك ….
او تملي روحك بالغضب ..
