طبعا المفروض مش عايز اتكلم في الكوره في مصر بس انا شدني موضوع امام عاشور اولا؛اولا الموضوع انتم ليه بتتكلموا عن ازاي الاهلي هيضم امام عاشور وفين مبادئ الاهلي وقيم الاهلي احب اقول لجماهير الزمالك انتم غلطانين لما بتتكلموا في النقطه دي عن قيم ومبادئ كل ما في الموضوع ان الاهلي لما حب يحرم الزمالك من اللاعب بتاعه من سنتين وقفوا 12 ماتش بحجه القيم والمبادئ لكن الحقيقه ان هو كان عايز يحرم الزمالك من لعيب مميز يبقى الكلام هنا عن ان ما فيش حد يتكلم ثاني عن قيم ومبادئ خلينا نتكلم في مصالح وبيزنس واي طريقه اكسب بيها سواء نظيفه او فاسده يبقى ننسى خالص موضوع امام عاشور في انتقاله للاهلي سواء انتقل او ما انتقلش هو في الاخر لاعب بيدور على مصلحته وانت كجمهور زملكاوي ما تنساقش ورا اى استفزاز او مناقشه عقيمه لكن اللي انتم لازم تفهموه واللي جماهير الاهلي فاهماه بس بتشتغلكم ان الكوره مصالح وبيزنس بالنسبه لهم لما حد فيهم يكلمك عن قيم ومبادئ اعمل بقى اللي يقدرك عليه ربنا
