كان لينا فرن وجرن كانت العيشه عال
كان زادنا ف بيتنا لا جزار ولا بقال
خضارنا ف غيطنا ولا حوجه لمال
كان ف نفوسنا رضا رغم ضيق الحال
كأننا من حبنا لبعضنا مربوطين بحبال
كان فرح جيرانا فرحنا وحزنهم حزننا
وجرننا يلمنا ندرس وندري قمحنا
بنات وستات وشباب ورجال وعيال
كأننا من حبنا لبعضنا مربوطين بحبال
لاطمعانين ف حد ولا حد طمعان فينا
ولو رزقنا ع القد راضين به ومكفينا
لابينا خصام ولا عتاب ولا لوم وجدال
كانت ايام حلوه وجميله مكنش في غير وش
وش المحبه والصدق وصله بين الارحام
كانت ايام بسيطه مكنش فيها غش
لو خيروني بين زمان والان اختار زمان من غير
تكنولوجيا ولا نت
