نمط من الشخصيات..يعيش بيننا…
على طول بيعتذر وبيتأسف…
سواء كان هو اللي غلطان أو مش غلطان…
عزيزي..عزيزتي..اصحاب هذا النمط..
هو إيه اللي يخليك تعتذر وتتأسف لحد وإنت متأكد
إنك ماغلطش في حقه ماعملتش أي تصرف يضايقه..
ويمكن كمان هو اللي غلطان في حقك..
طبعا هتقولي علشان المركب تمشي وامشي حالي..
وأنا بقولك ماتعتذرش وان شااله المركب مامشيت..
هتقولي..ليه….أقولك…
لما تعتذر لحد وانت مش غلطان في حقه الوضع ده
بمرور الوقت بيجيب حاجتين من اسوء مايكون..
وبيترتب عليهم مشكلات تانيه كتير..
الأول.
إن الشخص اللي بتعتذر له من غير ماتغلط في حقه ..
بيعتقد على انه طول على حق وانت على طول غلطان ومقصر..وده هيضيع كل حقوقك وانت معاه….
الثاني.
إن اعتذارك وإنت مش غلطان هيخليك تشعر من جواك
بالانكسار والضعف والهشاشة النفسية..
وده هيخليه يستهفيك ويقلل منك وما يحترمكش
يارب نفهم
انتصر لنفسك.. …وماتخذلاهاش…
في الاخر نفسك هى اللي بقيالك…
مجرد خاطره
أستاذ علم النفس بجامعة عين شمس
