مش بحب أتكلم عن حياة حد بس بصراحة الموضوع ده اضايقت منه جدا
الست نجاة الفنانة العظيمه قررت تسافر تحضر المهرجان
فين المشكلة
إحنا ليه ما عندناش غير النقد العنيف
هي حرة مين عايش معاها مين يعرف ظروفها؟
لكل واحد شاف نفسه في المرايا صح هيلاقي مليون عيب وهيلاقي ناس متقبلة وراضية بيه علي كدة
لا حضراتكم اوصياء علي الناس ليه كسر الخواطر والنفس
ليه فنانه بالتاريخ دة لما تظهر بعد غياب عشرين سنة تلاقي كميه الانتقادات دي
محدش يعرف ظروفها ولا هي مجبرة تبرر تصرفاتها
يمكن محتاجه فلوس يمكن محتاجه تقف علي مسرح وتشوف حب الناس يمكن محتاجه ونس
يمكن ويمكن ١٠٠ سبب
دي كانت هتقع وهي طالعه دي مشغلين ليها صوت هي مش بتقدر تكلم
أن شاءالله جايه علي كرسي متحرك هي حرة
والنقاد اللي بيقولوا تحترم تاريخها الفني وما تظهرش ولا تسافر
والناس اللي زعلانه إنها سافرت السعودية حد افتكرها في مصر
بصراحة هنا فنانين التيك توك بقوا هما اللي بيتكرموا
وحاجه تانية مهمه مع اختلافي مع السعودية وقت عرض المهرجان علشان ظروف بلد تانيه
لكن شابوة يا سعودين العالم كله بقي عندكم وبيتكلم عليكم
والناس اللي بتقول إحنا الأول وإحنا اللي عملنا
معلش بقي مش مهم اللي البدايه المهم الاستمرار والتغير والإبداع
ومش عيب أما نعترف انهم عملوا حاجات كتير حتي لو ماكانش عندهم حاجه خالص في الاول
المهم دلوقتي بيعملوا ايه
نحاول إحنا نبدع ونستعين بناس محترفه وناس بتحب البلد دي
أنا بحب البلد دي وفخورة أني منها بس مش عيب لما اتكلم عن اخطائها
حاجه تانيه الناس ممكن تعيش بمليون مرض جسماني لكن ماتقدرش تكمل بمرض نفسي واحد
النفسية لو سليمه نقدر نتعافي ونكمل وانجح
بلاش نجرح في بعض بكلمات توجع وسيبوا الناس في حالها
كل واحد حياته مليانه وجع ومشاكل بس بيحب يظهر بصورة حلوة
سيبوا كل واحد يعمل اللي عايزة طالما ما بيضرش حد
