شككتني.. في وجودي ..
من كتر اتهامك ليا.. إني بكرهك ..
. وانت الوحيده اللي اتخلقتي مقاسي ..
في الزمن العنيد المفتري.
ما اقدرش أسمح للغريب..
مهما يكون يا حبيبتي ..إنه يشوهك..
لو حتى عايشه في الجفاف..
ما حد يقدر يقهرك ..ويصغرك.
. و هانبهك.. لو قطر كان مجنون..
يحاول يجرحك.. أو يدهسك..
. و هأسسك من ثاني.. تبقي يتوبيا..
بإيدين اللي عاشقك من زمن.
. ها غزل رموشي لحاف إذا بردتي..
و لو مليانه عفره ها كنسك.
و انزل في نيلك انضفه..
من ورد بحر.. و أي شئ مليان عطن
. ألضم في طرف وريدي..
لاجل يضخ ليكي دمايا وارجع أحرسك..
. أنا ليا مين غيرك.. ما ليش يا حبيبتي..
غير الساقيه و شطوطك وطن.
. لو روحت اي مكان ..
يا ست الكل.. لو حتى عشقته.. هاندهك..
. و ان حد حاول يجرحك..
هاصبح برغم السن.. لاجلك عسكري
