الفنان محمود المليجي كان بيصور فيلم أيوب، وكان بيحضر لآخر مشهد في الفيلم اللي هو مشهد المـ9ت، وهو قاعد في الكواليس مع الفنان عمر الشريف قاله يا أخي الحياة دي غريبة أوي، الواحد ينام ويصحى وينام ويصحى وينام ويشخّر ..
ونزل براسه كدا وبدأ يشخّر بالفعل ..
اللوكيشن كله قعد يسقف للفنان محمود المليجي على التمثيل العظيم دا اللي مالوش مناسبة، لحد ما عمر الشريف قاله خلاص بقى يا محمود انت استحليت النومة وللا ايه، لكن الأستاذ المليجي كان مـlت بجد ..
الفنان أنور وجدي كان بيتكلم مع أصحابه ايام الفـ.ـقر وبيقولهم هو ربنا مش هيتوب علينا من أكل الفول بقى، واحد صاحبه قاله احمد ربنا مش ممكن تكون مليونير وعندك سـ.ـرطان، قاله يارب مليون جنيه وسـ.ـرطان، وفي مدة قصيرة جدا جاله الاتنين، المليون جنيه والسرطان ..
الفنان اسماعيل ياسين كان وصلت بيه النجومية انه قعد فترة كبيرة من أعلى الفنانين أجرا، وكان أكتر واحد بيشتغل، ودا طبعا وصله أنه كان عنده رصيد كبير في البنك، وعنده عمارة وحاجات تانية كتير، مرة غنى مونولوج بيقول فيه : اللهم افقرني كمان .. اللهم اغني عدويني .. اسماعيل ياسين في أواخر حياته اضطر يشتغل مونولوجيست في الملاهي الليلية الرخيصة لإنه مكانش لاقي ياكل ..
الكاتب الكبير العراب الدكتور أحمد خالد توفيق الله يرحمه كان اتعرّض في 2012 على ما أظن لأزمة قلبية وكاد يمـ.ـوت فيها، وكتب في رواية قهوة باليورانيوم بيتكلم عن تجربة الاقتراب من المـ.ـوت وقال، كان من الممكن أن تكون جـ.ـنازتي يوم 3 ابريل بعد صلاة الظهر، الغريبة ان دا كان تاريخ دفنه بالفعل بس بعدها بكذا سنة، يوم 3 ابريل برضو ..
الفنان سعيد صالح اشتغل مع صديق عمره الفنان عادل إمام في افلام كتير أوي، والغريبة أن أكتر من فيلم منهم زي الهلفـ9ت والمشـ.ـبوه ورجب فوق صفيح سـlخن وسلام يا صاحبي وعلى باب الوزير انتهوا بمـ.ـوت سعيد صالح وان صاحبه عادل إمام بيكمل المسيرة لوحده، ودا اللي حصل فعلا في الواقع ..
الحقيقة بقى ان الحياة دي غريبة أوي، مفيهاش مكان للصدف، لكنها أحيانا كتير بتسخر مننا وبتبعتلنا إشارات وعلامات مبيكونش عندنا فرصة نشوفها ..
يمكن يكون كل واحد فينا استلم رسالته بالفعل واتبشر بشكل غير مباشر بمصيره او بميعاد نهايته بس أكيد مخدناش بالنا، وأكيد برضو فيه ناس هتيجي بعدنا وهتقرا الرسايل دي، وهتفهمها وهتستغرب، زي ما احنا دلوقتي بنقرا رسايل الدنيا للناس اللي سبقتنا فيها وبنستغرب ..
آه، بالنسبة للصورة دي فهي من فيلم كتيبة الإعدlم، وعلى فكرة الفنانين اللي فيها مـ.ـاتوا بنفس ترتيب وقوفهم ..
مش بقولك الحياة بتبعتلنا رسايل ..
