لو ليك زميل في الشغل بترتاح معاه؛ هتلاقي اليوم بيعدي خفيف خفيف.
ممكن الواحد يكون ما بيحبش المدرسة أو الكلية بس بينزل مخصوص عشان هيشوف صحابه.
الست تطبخ وتغسل وتمسح، ولو جوزها طلع من جيبه منديل ومسح عرقها، وباس راسها وطبطب عليها، ياسلام كله يهون عليها .
الإبن لما يذاكر وأبوه يدخل يناوله كوباية الشاي، ويضحك في وشه ويحسسه إنه مآمن بيه.. بيبقى عاوز يثبت لة انةقد حلمة
اللمة، والطبطبة، والحضن على غفلة، والكلام الحلو، والقعده الرايقة، والضحكة العالية متونس باللي قاعد يتكلم ومش عاوزه يسكت ده مايتقدرش بتمن . ده الونس.. تهوين من نوع تاني.. بيضيف للحياة طعم حلو وبينزع منها المرار.. الأيام ما بتعديش بضغطنا على بعض ..
سيدنا موسى لما ربنا كلفه بالنبوة طلب ونيس يشيل معاه الحمل، وقال لربنا يبعت معاه هارون أخوه “يقوي بيه ضهره” الونيس مهم لحياتنا لها طعم تتحمل كل صعاب الحياة بوجودة
