كفايه خلاص..
بلاش تدعوا
لإن دعاكوا جاي بالعكس
ولو نفسك تكدبني
فقوم راجع دليل الأمس
دعاكم جاي بخساره
لإن النفس أماره
فلا عن ذنبها تابت
ولا عن غيها غابت
فلازما كل يوم غاره
بتاخد منكوا اطهاركوا
وسايبه فوق قلوبكوا السود
أشر أشر اشراركوا
كفايه خلاص
مافيش دعوه بلسان كداب
قليل الدين جبان سباب
منافق غاوي يشهد زور
تواجهه يقول انا معذور
وأكله حرام
تعدي من السما الأولى
ولا حتى تعدي عينيه
فيفضل.. البعيد أعمى
بلا إحساس ومالهوش حس
ويدعى في الدرى خوفا
فيتحقق دعاه بالعكس
كفايه خلاص
دعاكم جاي بالمقلوب
ولو في حل عاوزينه
بدايته.. تاخدوا بالمركوب
عشان الأمة دي ودينها
يبات غالب
ومش مغلوب
كفايه خلاص
