(قلم كل سنه)**عبد الباقى رايح يشترى قلم رصاص وقال أعمل فيها بيه وأشترى قلم رصاص Rotring علشان يكتب أسماء المرضى على أفلام الدم وهى بتتصبغ قال يعنى خلاص
** عبد الباقى عرف إن القلم ثمنه (150 جنيه) وطبعاً هو إيدك منه والأرض وربنا يكون فى عونه فأشترى قلم تانى ثمنه (35 جنيه) بس وراجع مبسوط قوى
قلت له ده الخمسه وتلاتين جنيه على أيامنا زمان كانوا يشتروا عدد (3500) قلم يعنى كنا نفتح بيهم مكتبه فى الفجاله
** بصراحه أفتكرت القلم الرصاص اللى كان على أيامنا كنا بنشترى القلم بقرش وكان زى الفل وطلع من تحت إيده مهندسين ودكاتره ومحاسبين وكان فيه منه نوعين نوع HB والتانى HH
** اللى ماكتبش بالقلم اللى فى الصوره يبقى ماشفش تعليم فى حياته وكنا ندحرجه علشان الألوان تدخل فى بعضها وكنا بنبقى فرحانين بيه قوى ونعضعض الأستيكه بأسناننا ونبريه بالبرايه ونحسن السن بالموس
(ياااااه كانت أيام) ياترى كنت بتشترى القلم ده زمان من عند مين وبكام ؟
