جريدة الاخبارية سياسية::شاملة::مستقلة
مقالات مشابهة
ليه تتعالى علينا
و تتكبر ؟!
هو احنا من طينة
غير طينتك
انزل من برجك….
العاجي
و عيش بين ناسك
و بين أهلك
مهما تعلى و تصيت
هترجع تاني…..
لأصلك
دى العيشة
وسط الناس
أمان و سعادة
ما تتقدر
على مين بتتكبر ؟!
ع اللي ربوك
و اللي رعوك
و أنت صغير
يقطعوا من قوتهم
و يدوك
علشان تكبر….
و ترعرع
و لما تتعب عينهم
ما تنام و تغمض
على مين بتتكبر ؟!
ع اللي عشت….
بينهم طفل
لا تعرف تتكلم
ولا تعرف تنطق
يمدوا ايدهم و يشلوك
لما تقع و تتعثر
يفرحوا لما يلاقوك
بتفرح و تزقطط
ليه لما كبرت….
نسيت اللي تعب
و اللي سهر
و اللي اتحير
و اللي دعموك بالكلام
و لا بخلوا عليك بالمال
و لا يوم حد منهم….
قصر
و اللي شاركوا نجاحك
خطوة بخطوة
و قلوبهم فرحت
لما شفوك…….
بتعلى و تكبر
اللي يتكبر ع الناس
الناس عليه تتكبر
الناس عليه تتكبر
