خليك جدع وركز في حياتك السكه مرسومة وطريقك غير طريق غيرك من صفات الله تعالى العدل يعني خلقك وخلق غيرك كله شكل بعضه مفيش حد مميز عن التاني لكن هو تفاوت في الدرجات في النهاية كله بياخد ٩ من عشره.
ربنا اللي خلقنا كلنا مفيش حد أحسن من حد ولا لون ولا فلوس ولا أي حاجة بتفرق القيمة عند ربنا بالأخلاق والتقوى.
انتهي المشهد
الجدعنة مش ضعف دي قوة وهي اللي بتخلي الناس تحترمك وتحس إنك سند
احترم الي اكبر منك حتي لو بسنه :
دي تربية وأصول ولو ضاعت يبقى مفيش قيم
احترام الكبير مش عشان هو دايماً صح لكن عشان انت محترم، ومتتدخلش في أمور الناس
ركّز في حياتك وكل واحد عنده همومه التدخل مش هيحل حاجة لكن هيزود المشاكل
انتهي المشهد
متتكلمش على حد من ورا ضهره الغيبة بتقلل منك مش منه لو عندك كلمة قولها في وشه ولو ما تقدرش اسكت وماتتريقش علي حد التريقة ضعف مش قوة اللي بيتريق هو اللي بيحاول يغطي نقصه
انتهي المشهد
الصح صح والغلط غلط مهما حصل الحق واحد ما تخليش الظروف ولا الناس تلون المبادئ
عيب ومايصحش حاجات بسيطة زي الكلام ده هي اللي بتحافظ على مجتمع سليم لو شلناها يبقى كل حاجة تنهار
مع الوقت القيم و الأخلاق دي للاسف تلاشت و بقت عكس الي بيحصل و بنشوفه كل يوم قليلين قوي الي متمسكين بالكلام ده القوة الحقيقية إنك تتمسك بالصح وسط عالم مليان غلط, وإنك تعيش بمبادئك وتفخر بيها مش بس عشان الناس تحترمك لكن عشان تبقى مرتاح مع نفسك وعارف إن ربنا راضي عنك.
