باقلام العمال
بالفعل هوش ومتضربش أو هدد ومتضربش ومقالنا اليوم عزيزى العامل والنقابى عن الأعتصام أو الأضراب وبصراحة أنا بحاول بشتى الطرق أنى أوصل وجبة ثقافية دسمة للعمال والنقابين وذى مقال أستاذى ومعلمى المرحوم / عبد الرحمن خير أنى أفضل النقابين تنقيهم من دورة 2006 وألى أمتدت حتى 2017 علشان النقابين دول عاشوا أحداث 25 يناير وثورة 30 يونيو ودى تعتبر من أخطر الفترات التى عاشها عمال ونقابين مصر لما مروا به من أعتصامات وأضرابات عديدة ومشاكل داخل المنشأة لم يرها غيرهم من قبل مثل التردى الاقتصادى والمطالب الفئوية وكرونا والسيول وغيرها ألخ الخ الخ .
يمكن عنوان المقال غريب شوية أيوة هيا دى أحنا لغتنا نحن الطبقة العاملة (( أصحاب الياقات الزرقاء / مش أصحاب الياقات البيضاء )) الأعتصام غير الأضراب ياعنى الأعتصام أفضل وهوة انك متظلم من شيء وطرقت كل الأبواب (( طبقا للقانون )) ومحدش سأل فيك وبعدين دخلت فى أعتصام مفتوح داخل العمل لغاية ما تتحقق المطالب لكن (( الأنتاج لم يتوقف )) أما الأضراب بالرغم من انه أباحه الدستور ومنظمة العمل الدولية كحق أصيل للعمال ولكن من وجهة نظرى الشخصية بيضر بالتفاوض مع أصحاب العمل لأنه بينتج عنه (( خسائر مادية نتيجة التوقف عن الأنتاج ))
وعند التفاوض صاحب العمل يقولك والنبى ياعم احمد كلمنى عن خساير التوقف قبل ما تكلمنى عن حقوق العمال / وطبعا عنده حق / ولنرى مشروع قانون العمل بعد خروجه فى نسخته الأخيرة حيقول اية / ولا نستبق الأحداث علشان هناك كتير من التخبط والتعديل والتغير بتحدث قبل خروجه بساعات قليلة /
المهم النقابى الناصح لما يجى يستخدم كلمة الأعتصام أو الأضراب يهوش بيها صاحب العمل لكن يحط فى دماغه كويس قوى أنه ميضربش يعنى مينفذش / علشان كدة مقالى اليوم كان بعنوان (( هوش أو هدد ومتضربش ))
أنتهى المقال
# (( رسائل ))
(( الرئيس / عبد الفتاح السيسى/ رئيس جمهورية مصر العربية ))
التحديات والأزمات الداخلية والخارجية كتيرة ياريس / كان الله فى العون
# (( الدكتور / مصطفى مدبولى/ رئيس مجلس الوزراء ))
يادكتور مصطفى موضوع الحد الأدنى للأجور لو مكانش صاحب العمل حيلتزم بيه يبقى ملهاش لزمة حرقة الدم دى بتاعت كل سنة وأهى وبريات سمنود تعود للمشهد فى أعتصام بسبب نفس الموصوع للعام الثانى على التوالى ؟؟؟؟؟
# (( الأستاذ / محمد جبران / وزير العمل ))
يامعالى الوزير انت صرحت امبارح أنى أستمارة 6 مازالت موجودة فى قانون العمل لكن عملنالها تعديل وفى نفس الوقت لجنة القوى العاملة خرجت فى نفس التوقيت وقالت أنها أنتصرت لأرادة العمال وألغت الأستمارة بشكل نهائى طاب العمال والنقابين يصدقوا مين ياسيادة الوزير ولو اتلغت العامل عند المعاش وهوة خارج حينهى عمله أذاى وحيتجه أذاى للتامينات بدون الأستمارة أرحمونااااااااااااااااااااااااااااا ؟؟؟؟؟
# (( مجرم الحرب / النتن ياهووو رئيس وزراء الكيان الصهيونى ))
حاخام يهودى أمريكى يقول أن غطرسة نتنياهو وفتح القتال فى سبع جبهات مرة واحدة يؤكد صدق ماأنزلت بها التوراة وأن نهاية وزوال دولة أسرائيل من الوجود أقترب مع أقتراب ال80 سنة الأخيرة الثالثة والتى تبدء من عام 1948 وحتى نهاية 2027 وعلشان كدة بنقولك أنتهى الدرس ياغبى .
بقلم
أحمد فاوى الضبع
رئيس أتحاد عمال تحالف الأحزاب المصرية
عضو مجلس أدارة أتحاد عمال مصر السابق
أمين العمال بحزب أرادة جيل
