بايجاز واختصار هالنى وصدمنى بعض الجهلاء المغرورين من مشجعى كرة القدم للاسف حينما علقوا وكتبوا وكرروا واعادوا مقولات تهز كيان مصر وقيمتها ووضعها بين الدول قلنا لحظات انفعال وهتمر قلنا تاثير صدمة وهتعدى لكن الغرور والعند والصلف جعلها متكررة مستمرة وهم يكذبون ويتباهون بكذبهم حتى صدقوا انفسهم
رددوا ان الاهلى اكبر من مصر وان الاهلى فوق الجميع وان الاهلى فوق القانون ومثل هذه المصطلحات البذيئة وبصرف النظر عن اهلى وزمالك واى نادى مفيش اكبر من مصر ومفيش حد فوق الجميع الا مصر ومصر مفيش فيها اكبر واعظم من تطبيق القانون على الجميع وعيب بل عار ان نضع نادى اى نادى او كيان اكبر من مصر ونضعة فوق الجميع لا ياسيدى منك له لا الاهلى ولا الزمالك ولا اى كيان اخر حتى الجيش والشرطة وكل مؤسسات الدولة سيادية او عامة تكون فوق مصر واكبر من مصر كلهم تحت مصر وكلهم يخدمون على مصر وكلهم رهن اشارة مصر
مصر هى اللى فوق الجميع بحكم الدين والتاريخ والنضال والعطاء مصر فوق الجميع واكبر من الكل مصر عيب وعار ان تجعلوا فى مصر من هو اقوى او فوق هيبتها وسيادتها وحريتها او قوانينها
عيب من اراد ان يتحدث ويوزع المصطلحات ويفرق الاوسمة والنياشين فيكون على قده ويحترم بلده ويقدرها ويعطى كل كيان او مؤسسة حجمها الطبيعى دون انفعالات او غرور او ترديد شعارات مثل البغبغانات مفيش فى اى دولة فى العالم نادى بيلعب كورة او اى كيان اكبر من الدولة ويكون فوق الدولة فما بالكم حينما تتحدثون عن مصر ام الدنيا بلد الامن والامان بلد كرمها الله فى القران وكرمها وكرم اهلها رسول الله فى السنة تضعوا بغباء وحماقة نادى مهما كان فوق مصر وفوق الجميع
نعم هم قلة قليلة وليسوا عامة المشجعين المحترمين الذين يقدرون مصر ويعطون كل ذى حق حقه ولكن هذه القلة اساءت لمصر وهيبتها وسيادتها ووضعها بين الدول لطخت الثوب الابيض بنقط سوداء من اجل مباراة كرة قدم لا راحت ولا جت وهات ياتعليقات وبوستات الاهلى فوق الجميع الاهلى فوق القانون الاهلى الاوحد انت وبس اللى حبيبى
عيب التزموا الاصول وخلوا عندكم ذرة وطنية حقيقية ولا تضعوا اى حد فوق مصر او فوق القانون او فوق المجتمع والناس فالكل سواسية واللى له حق يتفضل ياخده بالقانون مش بالغرور والادعاءات الفاسدة والاقوال المغلوطة
مفيش حد اقوى من الجميع ومفيش حد اقوى من مصر ومفيش اى حد كان اقوى من القانون مصر والقانون اقوى واكبر من اى حد
واللى يزعل يزعل والى عايز يهاجم يتفضل مثر فوق اى حد كان
مش كده ولا ايه
