ست بقلب طفلة بريئة
و عاشقة وعيونها جريئة
طفلة ماسكة ايد أبوها
حاسة بأمان كأنك أخوها
أم عيون حلوة وخلخال
عارف تبقي مين أنت ليها
أبوها وأخوها أنت العيلة
ماشية تعاكسها العيون
وأنت كحل الرمش والجفون
ماشية بتعاكس خيالها
ومعجبة جدا بحالها
ماشية ولا شئ هممها
بتضحك والناس تلومها
نظرة عينك لعيونها
قصة ياجمال عنوانها
أوعي تكسر يوم خاطرها
ديه طفلة وعاشقة يا جمالها
ست بقلب طفلة بريئة
و عاشقة وعيونها جريئة
