جريدة الاخبارية سياسية::شاملة::مستقلة
مقالات مشابهة
لو ماعرفتش تكون كل دنيتها
ابوها وأخوها وصديقها
يبقا ماينفعش تكون شريك لحياتها
أكتر حاجه تطمنها على مُستقبلها مع الإنسان اللي هتكمل معاه الباقي من عمرها
هي أنه اب يطمنها واخ يسندها
إنه يكون صاحبها قبل ما يكون حبيبها ..
تقدر تتكلم وتفضفض معاه براحتها ، من غير ما تخاف إنه يفهمها غلط،
أو تخاف من رد فعله لو غلطت يجرحها .
يوجها بلُطف من غير ما يقل منها أو يهينها ،
وحتى لو زعل منها يتقبّل إنها إنسانه وممكن تغلط عادي ..
حسسها إنك شريكها في كل حاجه ومتبقاش رامي كل مسؤلية العلاقة على كتفها لوحدها ،
ماتحطهاش في وضع إنها بتدوّر عليك،
بمعنى إنها تبقى متأكده لو محتاجه أو حصلها حاجة هتلاقيك أول حد جنبها وفي صفها من غير ما تطلب منك او وتدوّر عليك انت فين ..
خلي بينكم احساس بالأمان ،
تناموا وانتم متأكدين إن مفيش خوف، مفيش بُعد مفيش غـدر، حتى لو متخانقين مليون خناقة ..
انتم لبعض
يبقى فيه مساحة تقدروا تعبّروا فيها عن مخاوفكم ومشاكلكم، زعلكم والتصرفات اللي بتضايقكم، أحلامكم وطموحاتكم؛ من غير ما يقلل ده من حبكم وتمسكم ببعض..
تضحك معاها من قلبك بجد من غير تصنُّع، وتبقى حياتكم مليانة هزار وفرحة أكتر من أوقات الزعل والخلاف ،،،
